Puna’oa o Tausiga Fa’ale-soifua Malōlōina mo Tagata Malaga Nofomau.

O lo’o iai le tele o puna’oa ma le lagolago e maua i le lotoifale ma luga o ‘upega tafa’ilagi, e fesoasoani e taliina fesili e fa’atatau i le agavaa mo le Tausiga Fa’ale-soifua Malōlōina, vaega e aofia ai, ma pe fa’apefea ona talosaga. Ua ofoina atu e le vaega o le Tausiga Fa’ale-soifua Malōlōina fesoasoani tusitusia e lata i le luasefulu-fa gagana eseese, lea e mafai ona e feso’ota’i iai i le siata o puna’oa o lo’o i le fa’a’iuga o lenei tusitusiga. O puna’oa e aofia ai le tele o mataupu eseese e amata mai i le aotelega o vaega o le Tausiga Fa’ale-soifua Malōlōina i le vaega feso’ota’i o tui puipui o le KOVITI-19 mo tali i au fesili o le Tausiga Fa’ale-soifua Malōlōina.

E mafai lava ona e talosagaina se fesoasoani fa’aliliu ‘upu pe a iai ni au fesili e fa’atatau pe mana’omia le fesoasoani fa’ale-soifua malōlōina.

E tusa ai ma le Matagaluega o Soifua Malōlōina ma ‘Au’aunaga mo Tagata (HHS), o polokalame o lo’o mauaina fesoasoani tau tupe mai le malō, e aofia ai le Fesoasoani Fa’ale-soifua Malōlōina ma le Vaega A, C ma le D o le Tausiga Fa’ale-soifua Malōlōina, e mana’omia le sauniaina o ni ‘au’aunaga fesoasoani mo gagana, e pei o tagata fa’aliliu ‘upu ma tusitusiga fa’aliliu. O Ofisa Autū mo le Tausiga Fa’ale-soifua Malōlōina ma ‘Auaunaga Fesoasoani Fa’ale-soifua Malōlōina (CMS) e malamalama i tagata o le vaega o Tausiga Fa’ale-soifua Malōlōina, e iai a latou feso’ota’iga ma mana’oga o le gagana e tatau ona fa’amalieina mo i latou ina ia maua ai le tausiga lelei.

Fa’amata e mafai ona maua e O’u Matua Malaga nofomau poo lo’u To’alua Malaga nofomau le Tausiga Fa’ale-soifua Malōlōina?

O le Tausiga Fa’ale-soifua Malōlōina o le polokalame inisiua fa’ale-soifua malōlōina a le malō mo tagata sitiseni o le Iunaite Setete po’o tagata nofomau fa’atulafonoina e 65 tausaga po’o le matua atu, o ē laiti e iai mana’oga fa’apitoa, po’o i latou ua tulaga fa’aletonu o latou fatuga’o (ESRD).

E mafai ona maua e Tagata Malaga Nofomau le Tausiga Fa’ale-soifua Malōlōina pe afai latou te fa’amalieina mea mana’omia e agava’a ai. O le Tausiga Fa’ale-soifua Malōlōina o se polokalame inisiua mo tagata ta’ito’atasi, o le mea lea afai e iai sau Tausiga Fa’ale-soifua Malōlōina, e lē mafai fo’i ona e fa’aaogāina mo lou to’alua po’o ou matua.

Atonu e mafai ona e fesoasoani i ou matua po’o lou to’alua e amata le fa’asologa o le fa’agaioiina o pepa nofomau i le Iunaite Setete, ina ia mafai ona latou fa’amalieina mea mana’omia e agava’a ai mo tagata nofomau o le Tausiga Fa’ale-soifua Malōlōina. O le fa’agaioiina ai o pepa nofomau fa’atulafonoina, e mana’omia le iai o se pepa meamata o fa’amatalaga (green card) ma e ono mafai ona talosagaina e ala atu i o latou aiga e tusa ai ma ‘Au’aunaga o Femalagaa’iga ma Tagatanu’u o le Iunaite Setete (USCIS). Afai o oe o se tagata sitiseni o le Iunaite Setete po’o se tagata nofomau fa’atulafonoina, e ono mafai ona talosagaina se pepa meamata o fa’amatalaga a ou matua po’o lou to’alua e ala i le fa’amaoni o a latou so’otaga ia te oe.

Afai ua fa’amalieina uma isi mea mana’omia e agava’a ai, e ono mafai e tagata ta’ito’atasi ona maua le Vaega A totogi-fua o le Tausiga Fa’ale-soifua Malōlōina e fua i a latou tupe maua po’o tupe maua a latou ta’ito’alua, matua po’o se tamaitiiti. O isi fa’amatalaga e fa’atatau i tau mo le Tausiga Fa’ale-soifua Malōlōina o lo’o fa’amatala au’ili’iliina i lalo.

O a Mea Mana’omia mo le Tausiga Fa’ale-soifua Malōlōina e Agava’a ai Tagata Malaga nofomau?

O le taimi lava e ’ausia ai e tagata malaga mai mea mana’omia mo le nofomau, o le agava’a ai ma le resitalaina e tutusa lelei ma le fa’agaioiina o pepa a isi tagata o le Tausiga Fa’ale-soifua Malōlōina. E tatau ona faia pepa nofomau fa’atulafonoina a tagata malaga mai e ala i le nonofo ai i le Iunaite Setete mo le lima tausaga soso’o ae le i o’o i le masina e fa’atumu ai talosaga mo le Tausiga Fa’ale-soifua Malōlōina.

O le pepa meamata o fa’amatalaga (green card) e fa’atagaina ai tagata malaga mai e faigaluega ma nonofo i le Iunaite Setete. E tusa ai ma Tulafono o Femalagaa’iga a le Iunaite Setete, e ono mafai ona talosaga mo se pepa meamata o fa’amatalaga tagata malaga mai i auala eseese, e aofia ai le:

Ala atu i Aiga
Ala atu i Galuega
Tagata malaga mai fa’apitoa
Ala atu i nofoaga o tagata sulufa’i po’o se tulaga sa’ilia o se lafitaga
Fefa’ataua’iga o tagata fa’asolitulafono (human trafficking) po’o se tagata a’afia i se solitulafono
Tagata aafia i saūaga
Ala atu i se lesitala
Ala atu i isi vaega

E tatau ona fa’atumuina e tagata malaga mai le Pepa Fa’atumu I-485 o le talosaga e lesitala ai mo le nofo tumau fa’atulafonoina po’o le fetuuna’iga o le tulaga o le nofomau. O se tagata sa ia aumaia po’o se tagata talosaga e mafai ona ia fa’atumuina le pepa fa’atumu mo le tagata malaga mai.

O mea fa’aopoopo e mana’omia mo le nofo tumau fa’atulafonoina, o mea mana’omia e agavaa ai mo le Tausiga Fa’ale-soifua Malōlōina e aofia ai le:

65 tausaga o le soifua
Iai o mana’oga fa’apitoa e fa’avae i luga o lau fa’auigaina fa’a-Saogalemū Lautele o mana’oga fa’apitoa
Maua i le gasegase o le amyotrophic lateral sclerosis (ALS or Lou Gehrig’s Disease)
Maua i le ESRD (fa’aletonu tumau o fatuga’o e mana’omia ai le fa’amāmāina o le toto po’o le ta’otoga)

Afai e te agavaa i le Tausiga Fa’ale-soifua Malōlōina ona o ni ou mana’oga fa’apitoa, e tatau ona e mauaina fa’amanuiaga o mana’oga fa’apitoa e ala i le Pulega o le Saogalemū Lautele (SSA), Komiti Fa’afoe o Tagata Faigaluega Litaea i luga o Alatele (RRB), po’o se tagata faigaluega a le malō.

O afea e amata ai le fa’amautūina o le nofomau fa’ale-tulafono?

O le uati mo le fa’agaioiina o pepa nofomau fa’ale-tulafono mana’omia o le Tausiga Fa’ale-soifua Malōlōina mo le lima tausaga e amata i le aso e tuuina atu ai ia te oe le tulaga ua e nofomau. O le ‘upega tafa’ilagi a le USCIS o lo’o fa’ailoa atu ai le fa’agasologa ma auala e fesoasoani i le talosagaina o le Pepa meamata o fa’amatalaga (Green Card). O lo’o iai foi fa’amatalaga i le tele o gagana e ala i lana Ofisa ‘Autū o Gagana eseese.

O a mana’oga fa’apitoa e agavaa ai se tagata malaga nofomau mo le Tausiga Fa’ale soifua Malōlōina?

O tagata malaga mai ua fa’agaioiina pepa nofomau ma e i lalo ifo o le 65 tausaga ma iai mana’oga fa’apitoa e mafai foi ona agavaa i le Tausiga Fa’ale-soifua Malōlōina. E tatau ona e ‘ausia muamua mea masani o mea mana’omia e agavaa ai mo faa’amanuiaga o lau Tupe maua o Mana’oga Fa’apitoa o le Saogalemū Lautele (SSDI) lea e tuuina atu i tagata sitiseni, e fua i tala’aga o ō latou olaga faigaluega, totogiina o lafoga o le Saogalemū Lautele mai tupe maua, ma tele tausaga sa fa’aputuina ai le lafoga o le Saogalemū Lautele e tusa ma le va o le 20 i le 40 taui lelei o galuega (lima i le 10 tausaga).

Afai e i lalo ifo o le 65 ou tausaga, e mafai ona e agavaa mo le Tausiga Fa’ale-soifua Malōlōina pe afai o e mauaina i le masina fa’amanuiaga o mana’oga fa’apitoa o le RRB mo se aafiaga tugā i le itiiti ifo ma le 24 masina.

E iai le tele o aafiaga talafeagai e mafai ai ona e agavaa o oe o se tagata e iai mana’oga fa’apitoa. E manatu le vaega o le Saogalemū Lautele a lē mafai ona e fa’atinoina le galuega sa masani ona e faia ona o se tulaga i lou ma’i, e lē mafai ona e fa’atinoina isi galuega ona o le tulaga i lou ma’i, ma o le lē atoa ai o lou malosi e ono oo atu po’o le itiiti ifo ma le 12 masina po’o le ono oo i se i’uga e te maliu ai. Taga’i i le lisi o le Saogalemū Lautele ii. I le fa’aopoopo ai i isi mana’oga fa’apitoa, e ono mafai ona e agavaa mo le inisiua o le Tausiga Fa’ale-soifua Malōlōina pe afai

E te maua i le ALS ma maua fa’amanuiaga o mana’oga fa’apitoa o le SSDI po’o le RRB.
Ua aafia ou fatuga’o ESRD ma ua mae’a lau talosaga o le Tausiga Fa’ale-soifua Malōlōina. Ua tele tausaga o lua faigaluega ma lou to’alua i lalo o le Saogalemū Lautele, o le RRB, pe o se tagata faigaluega a le malō e agavaa ai i fa’amanuiaga o le litaea.

O le a le Tau o le Tausiga Fa’ale-soifua Malōlōina mo Tagata Malaga nofomau?

O le tau o le Tausiga Fa’ale-soifua Malōlōina mo tagata malaga mai e fesuisuia’i e fuafua i vaega eseese o lo’o fa’amatalaina ii:

Tala’aga o le olaga faigaluega ma le totogiina o lafoga o le Tausiga Fa’ale-soifua Malōlōina:
- Ina ia agavaa ai mo le Vaega A totogi-fua, e tatau ona maua e tagata ta’ito’atasi le Tausiga Fa’ale-soifua Malōlōina e fua i a latou tupe maua po’o tupe maua a latou ta’ito’alua, matua, po’o se tamaitiiti. E tatau ona iai se numera ma’oti o le kuata ekavaina e le inisiua (QCs) ma tuuina i totonu se talosaga mo le Saogalemū Lautele po’o fa’amanuiaga o le RRB. O le mana’omia ai o le numera sa’o o QCs e fa’alagolago i le tagata pe ua fa’aulu le talosaga mo le Vaega A (inisiua a le falema’i) i luga o le fa’avae o tausaga, mana’oga fa’apitoa, po’o le ESRD.
- Afai e lē agavaa se tagata i le Vaega A totogi-fua, e mafai ona latou fa’atauina pe afai ua 65 o latou tausaga po’o le sili atu ma ua lesitala i le Vaega B. O le totogi i le masina mo le Vaega A i le 2022 a lē $274 pe o le $499 e fuafua i le umi sa e faigaluega ai po’o lou to’alua ma totogi lafoga o le Tausiga Fa’ale-soifua Malōlōina. E ui e tatau ona e fa’atauina le Vaega B pe afai ua e filifili e fa’atau le Vaega A, e mafai lava ona e fa’atauina le Vaega B pe a ua e filifili e lē fa’atauina le Vaega A.
Lesitala i le Vaega B:
- Afai e te lesitala i le Vaega B (inisiua mo ma’i), e te totogiina le tau atoa masani i le masina $170.10 i le 2022. Silasila i lalo mo le Vaega B ma tau fa’aopoopo o le Vaega D mo tagata e maualuga a latou tupe maua.
Tupe maua:
- Afai o lau tupe maua atoa e pei ona lipotia i luga o lau lafoga toe maua o le IRS mai le lua tausaga talu ai e sili atu i le aofa’iga fa’atulagaina (sili atu ma le $91,000), o le a e totogiina le tau atoa masani ma se Tupe fa’aopoopo i le Tupe maua i le Masina (IRMAA). O lenei tupe fa’aopoopo e apalai i le Vaega B o le Tausiga Fa’ale-soifua Malōlōina ma le Vaega D (totogi o talavai mai le foma’i).
- Afai o lau tupe maua ma alagā tupe e i lalo atu o se tupe fa’atulagaina a le aiga, e te ono maua se fesoasoani mai le vaega Fesoasoani Fa’ale-soifua Malōlōina e totogi atoa ai le Tausiga Fa’ale-soifua Malōlōina ma isi tau e te totogiina. E ono mafai ona e agavaa i le Polokalame Teugātupe o le Tausiga Fa’ale-soifua Malōlōina (MSPs) e pei o le Polokalame e Agavaa ai i Fa’amanuiaga o le Tausiga Fa’ale-soifua Malōlōina, Polokalame o Fa’amanuiaga o Tupe Maua Maualalo, po’o le Polokalame e Agavaa ai Tagata Ta’ito’atasi.
- Fesoasoani Fa’ale-soifua Malōlōina e ono faia se faiga i vaega totogi o le Tausiga Fa’ale-soifua Malōlōina ina ia mafai ona gafatia e ala i le totogiina o ‘au’aunaga fa’atulagaina ia e lē mafai ona kavaina e le Tausiga Fa’ale-soifua Malōlōina. E ono totogiina e le vaega Fesoasoani Fa’ale-soifua Malōlōina nisi po’o tau uma o mea fa’alogo, mo se fa’ata’ita’iga. E ono totogiina foi e le vaega Fesoasoani Fa’ale-soifua Malōlōina le sili atu i le 100 aso e tausia ai i se falema’i lelei ae totogiina e le Tausiga Fa’ale-soifua Malōlōina na’o le 100 aso i le piliota penefiti. O le agavaa i ia polokalame e fuafua i lau tupe maua, o aseta, ma le agavaa mo isi polokalame o teugātupe e fa’afoeina e vaega so’oupu o le malō ma fa’alapotopotoga tuma’oti.
Inisiua Fa’aopoopo o le Tausiga Fa’ale-soifua Malōlōina (Medigap):
- Afai ua e filifili e fa’atau se Medigap policy e fesoasoani e kavaina tupe totogi mo lou soifua malōlōina, tupe totogi mo ‘au’aunaga, ma tupe totogi mo inisiua ina ua e mauaina fa’amanuiaga o le Ulua’i Tausiga Fa’ale-soifua Malōlōina Vaega A ma le Vaega B, e te totogiina le tau aofa’i i le masina. O tau aofa’i e totogi i masina e fesuisuia’i e fuafua i le mea e te nofo ai, o ou tausaga, o lou ituaiga, ma le fa’aaogāina o tapa’a. E tatau ona e lesitala i le Tausiga Fa’ale-soifua Malōlōina Vaega A ma le B ina ia fa’atauina ai sau Medigap policy, ma e lē mafai ona e lesitala i le Fuafuaga Lelei a le Tausiga Fa’ale-soifua Malōlōina i le taimi e tasi.
O Fuafuaga Lelei a le Tausiga Fa’ale-soifua Malōlōina:
- O tagata uma o le Fuafuaga Lelei a le Tausiga Fa’ale-soifua Malōlōina e tatau ona fa’aauauina pea totogi i masina o le Vaega A pe afai latou te le o fa’aaogāina fua ma totogi i masina o le Vaega B. E ono mafai e le vaega o le Fuafuaga Lelei a le Tausiga Fa’ale-soifua Malōlōina ona tuuina se totogi fa’ale-masina. E ono apalai i tupe totogiina i le tausaga mo le tausiga o le soifua malōlōina ma talavai, fa’atasi ai ma tupe totogi mo ‘au’aunaga, ma tupe totogi mo inisiua ina ua e mauaina fa’amanuiaga. E tatau ona e lesitala i le Vaega A ma le B ina ia e ‘auai i le vaega o Fuafuaga Lelei a le Tausiga Fa’ale-soifua Malōlōina.

Vaega D o le Tausiga Fa’ale-soifua Malōlōina ma le totogiina o talavai:
- Afai ua e filifili e fa’atau le Vaega D o le Tausiga Fa’ale-soifua Malōlōina, e te totogiina le tau i le masina e fua i lau polokalame. E ono tuuina atu se totogi mo tupe totogi mo lou soifua malōlōina, tupe totogi mo ‘au’aunaga, ma tupe totogi mo inisiua ina ua e mauaina fa’amanuiaga. E ono mafai ona e agavaa mo se Fesoasoani Fa’asili e fua i le maulalo o le tupe maua lea o le a fesoasoani e kavaina nisi o au tupe totogi. E te ono totogiina le IRMAA pe afai o lau tupe maua i le lua tausaga ua tuana’i e sili atu ma le $91,000, i le Vaega B. E tatau ona e lesitala i le Vaega A ma le/po’o le B e fa’atau ai se polokalame Vaega D.
Tupe toe totogi mo le tuai ona lesitala
- E ono e toe totogiina se tupe i le tuai ona e lesitala mo so’o se vaega o vaega o le Tausiga Fa’ale-soifua Malōlōina, pe afai e te le i lesitala ae e te agavaa. Vaai se fesoasoani i lau filifiliga fa’atatau po’o le a le taimi e te lesitala ai i le Tausiga Fa’ale-soifua Malōlōina ina ia ‘alofia tupe toe totogi mulimuli ane.

E fa’apefea Fa’amanuiaga o le Tausiga Fa’ale-soifua Malōlōina mo Tagata Malaga nofomau?

O tagata malaga nofomau ua lesitala i Vaega A ma le B o le Tausiga Fa’ale-soifua Malōlōina e mafai ona ‘auai i Fuafuaga Lelei o le Tausiga Fa’ale-soifua Malōlōina o lo’o iai i vaega o nonofo ai. O Fuafuaga Lelei o le Tausiga Fa’ale-soifua Malōlōina o se isi auala lea e maua ai fa’amanuiaga o le Vaega A ma le B o le Tausiga Fa’ale-soifua Malōlōina ma e masani foi ona ofoina fa’amanuiaga e lē totogiina e le Ulua’i Tausiga Fa’ale-soifua Malōlōina, e pei o talavai, siakiina o nifo, o mata, ma le fa’alogo.

Puna’oa o le Tausiga Fa’ale-soifua Malōlōina

O le Tausiga Fa’ale-soifua Malōlōina e sauniaina fesoasoani tusitusia o lo’o lisiina i le siata i lalo i gagana ia: Alapi, Alameni, Cambodian, Sipaniolo, Saina, Sapanī, Vietnamese, Kolea, Lusia, Farsi, Siāmani, Eleni, Haitian Creole, Italia, Polani, Portuguese, Tagalog, Hindi, Hmong, Laotian, Samoa, ma Toga. A’oa’o i ‘autū ta’itasi e ala i le kiliki i lenei so’otaga, e filifili ai lau gagana, ma faitau i tusitusiga lolomiina e le CMS.

Mataupu ‘autū	E fa’afefea ona fa’aaogāina mataupu nei
Vaai se Fesoasoani mo le tau o le Tausiga Fa’ale- soifua Malōlōina	Vaai lau tupe maua pe o tutusa po’o i lalo o le tapulaa i le siata i le itulau e lua. Feso’ota’i le ofisa o Fesoasoani Fa’ale soifua Malōlōina i lau setete pe o e agavaa mo se fesoasoani tau tupe e ala i le MSPs.
Totogi o le Tausiga Fa’ale-soifua Malōlōina o Sapalai o le Ma’i Suka & ‘Au’aunaga	Faitau le siata i le itulau e ono aga’i le valu i mea e totogi e le Tausiga Fa’ale-soifua Malōlōina mo se aotelega o nisi o ‘au’aunaga mo Ma’i Suka ma sapalai e kavaina e le Vaega B ma le D o le Tausiga Fa’ale-soifua Malōlōina. O le tusi atoa o lo’o tusia ai fa’amatalaga e fa’atatau i vaega totogi e le Tausiga Fa’ale-soifua Malōlōina ma fautuaga e fesoasoani i le mata’ituina o le ma’i suka.
’Au’aunaga Puipuia le Ola Soifua Malōlōina o le Tausiga Fa’ale-soifua Malōlōina	Silasila i le fa’asologa o vaega totogi o puipuiga ma iloiloga o ‘au’aunaga a le Tausiga Fa’ale soifua Malōlōina Vaega B.
Ua fai le Iloiloga o lau Polokalame i le Tausaga o le Tausiga Fa’ale-soifua Malōlōina?	Faitau le pepa o fa’amatalaga e lua itulau e fa’atatau i le taimi e mafai ai ona sui lau polokalame o le Tausiga Fa’ale-soifua Malōlōina, o le mea e fa’atusatusa ai polokalame o lo’o iai i lou nofoaga, ma po’o ai e feso’ota’i mo se fesoasoani.
O le a le Tausiga Fa’ale-Soifua Malōlōina? O le a le Fesoasoani Fa’ale-soifua Malōlōina?	Faitau le aotelega ‘oto’oto o le inisiua o le soifua malōlōina a le malō o le Tausiga Fa’ale-soifua Malōlōina ma polokalame fesoasoani tau tupe o Fesoasoani Fa’ale-soifua Malōlōina.
Polokalame e 4 e Mafai ona Fesoasoani ia te oe i le Totogiina o au Tupe fa’aalu i le Falema’i	Faitau fa’amatalaga o polokalame a le malō ma le setete e mafai ona fesoasoani i le totogiina o au siaki i le falema’i ma tau o talavai pe afai ua le lava lau fa’asoa.
Insiua Fa’aopoopo o le Tausiga Fa’ale-soifua Malōlōina	Faitau le aotelega lenei o Fuafuaga a le Medigap atonu e avanoa moo e pe afai o iai sau Vaega A ma le B o le Tausiga Fa’ale-soifua Malōlōina.
O se Vaaiga vave i le Tausiga Fa’ale-soifua Malōlōina	O se fa’amatalaga ‘oto’oto e fa’atatau i inisiua o le soifua malōlōina a le Tausiga Fa’ale-soifua Malōlōina ma fa’amatalaga e fa’atatau pe fa’apefea ona maua le fesoasoani o e mana’omia e fai ai fa’ai’uga e fa’atatau i au fa’amanuiaga o le Tausiga Fa’ale-soifua Malōlōina.
Fa’asilasilaga o le Aotelega o le Vaega A(Inisiua o le Falema’i)	Toe iloilo lenei pepa fa’atumu pe a e mauaina se Fa’asilasilaga o le Aotelega o le Tausiga Fa’ale soifua Malōlōina (MSN) mo ‘au’aunaga e totogiina e le Tausiga Fa’ale-soifua Malōlōina Vaega A. Ia iai se numera e valaau atu ai pe a e mana’omia le ‘au’aunaga fa’aliliu upu ma fa’amatalaga pe fa’apefea ona failaina se apili pe a lē fa’amalieina oe i se talosaga e teena.
Fa’asilasilaga o le Aotelega o le Vaega B(Inisiua o le Falema’i)	Toe iloilo lenei pepa fa’atumu pe a e mauaina se MSN mo ‘au’aunaga e totogiina e le Tausiga Fa’ale-soifua Malōlōina Vaega B. Ia iai se numera e valaau atu ai pe a e mana’omia le ‘au’aunaga fa’aliliu upu ma fa’amatalaga pe fa’apefea ona failaina se apili pe a lē fa’amalieina oe i se talosaga e teena.
Nofo Puipuia mai le KOVITI-19 – E totogiina e le Tausiga Fa’ale-soifua Malōlōina Tui Puipui	O le itulau e tasi o lo’o iai fa’atonuga e fa’atatau po’o a mea e te mana’omia ina ia maua ai au tui puipui o le KOVITI-19 mai le Tausiga Fa’ale soifua Malōlōina ma fa’amatalaga e tele mai le Nofoaga ‘Autū mo le Puleaina o Fa’ama’i ma Puipuiga (CDC) e fa’atatau pe fa’apefea ona e nofo puipuia.
Aumai Lau Pepa o le Tausiga Fa’ale-soifua Malōlōina pe a fai lou Tui Puipui o le KOVITI-19	Fa’aali lau pepa lanu mūmū, pa’epa’e, ma le lanu moana o le Tausiga Fa’ale-soifua Malōlōina e fa’ailoa ai po’o a foliga.
E totogiina e le Tausiga Fa’ale-soifua Malōlōina Tui Puipui o le KOVITI-19	Faitau mo fa’amatalaga e fa’atatau pe fa’apefea ona kavaina e le Tausiga Fa’ale-soifua Malōlōina tui puipui ma tui o le booster.
O fea e aumai ai Fesili ma Tali o le Tausiga Fa’ale soifua Malōlōina	Faitau ia malamalama i le taimi e feso’ota’i ai i le Tausiga Fa’ale-soifua Malōlōina ma le taimi e feso’ota’i ai i le SSA, e aofia ai ma le fa’asologa o le lesitala mo le Tausiga Fa’ale-soifua Malōlōina.

A’oa’o Atili Mai ia matou Puna’oa o fa’amatalaga

Kelly Blackwell

Certified Senior Advisor (CSA)^®

As a health care professional since 1987, Kelly Blackwell has walked alongside and cared for seniors as they journey through the season of their fourth quarter of life. Blackwell holds a Bachelor of Science in nursing from the University of Northern Colorado, a Master of Science in health care administration from Grand Canyon University, an interprofessional graduate certificate in palliative care from the University of Colorado Anschutz Medical Campus and holds a Certified Senior Advisor^® credential from the Society of Certified Senior Advisors.

Blackwell contributes to the University of Colorado-Anschutz blog and has been published in “The Human Touch” distributed by the University of Colorado Center for Bioethics and Humanities. She cowrote “Dying Is” for Pathways Hospice.

A registered nurse, Blackwell understands health insurance choices influence quality of life and are driven by values, goals, and beliefs. She’s passionate about engaging with, educating, and empowering seniors as they navigate the health care system. She’s equipped to lend an experienced, compassionate voice to beneficiaries seeking information about Medicare Advantage Plans.

As a CSA^®, Blackwell has access to valuable resources for Medicare beneficiaries. Her work as a bedside nurse and clinical manager has given her the opportunity to see how Medicare rules, regulations, and benefits work when patients need them. With a passion to learn and to make a difference in the lives of seniors, Blackwell supports seniors through Medicare and fourth-quarter life decisions.